Дзень Волі-2020, Атава, 15 сакавіка, 13:30 (Sunday, March 15, 2020)

 

 

Паважаныя сябры,

Атаўскі аддзел Згуртавання беларусаў Канады і Беларускі інстытут навукі і мастацтва ў Канадзе шчыра запрашаюць вас на ўрачыстае святкаванне 102-х ўгодкаў Абвяшчэння Незалежнасці Беларускай Народнай Рэспублікі 15 сакавіка 2020 года, ў нядзелю.

Пачатак 13.30.

Адрас:

Nepean Creative Arts Centre

5 – 35 Stafford Road, Nepean, ON

K2H 8V8

Theatre Studio

Free parking

 

 У праграме:

 1. Віншаванне сп. Івонкі Сурвіластаршыні Рады БНР.

 2. Прэзентацыя 41-ага выпуска альманаха «Запісы» Беларускага інстытута навукі і мастацтва (Нью-Ёрк) галоўным рэдактарамгісторыкам і архівістам Наталляй Гардзіенка (Мінск).   Нумар прысвечаны  беларускай эміграцыі.

3. Беларуская дыктоўка.

4. Канцэрт.

5. Кава і пачастункі (спадзяемся на ваш удзел)

 Калі вы жадаеце прыняць удзел у канцэрце, калі ласка, кантактуйце Уладзю Шамецька (613) 686-5300

Калі ласка, запрашайце сваіх сяброў и знаёмых!

Будзем рады бачыць Вас на гэтай падзеі. 

Уваход вольны, ахвяраванні вітаюцца.

 Тэлефоны для даведак:

Наталія і Пётра Мурзёнкі – (613) 680-1114

Аксана i Сяргей Мазгавыя – (613) 733-7361

Уладзя і Юра Шамецькі – (613) 686-5300

Categories: Падзеі

Згуртаванне Беларусаў Канады і Беларускі Інстытут Навукі і Мастацтва запрашаюць

                                                                                                                        8 САКАВІКА, НЯДЗЕЛЯ, 12:30

Прэзентацыя 41-ага выпуска альманаха «Запісы» Беларускага інстытута навукі і мастацтва (Нью-Ёрк). Нумар прысвечаны  беларускай эміграцыі. Асноўная тэма — Беларуская Канада — прадстаўленаяпублікацыямі як пра з’яўленне беларусаў у гэтай краіне ў ХІХ — пачатку ХХ стст., гэтак і пра паваенных эмігрантаў ды сучасныя беларускія арганізацыі і ініцыятывы.

Альманах “Запісы” выдаецца Беларускім інстытутам навукі й мастацтва (Нью-Ёрк) ад 1952 года. У розныя часы выданне выходзіла ў Нью-Ёрку, Мюнхене, а ад 2002 года гэта сумесны Нью-Ёрска-Менскі праект. Сёння “Запісы БІНіМ” — адзінае друкаванае выданне, прысвечанае беларускай эміграцыі, яе гісторыі і сучаснасці.

Прэзэнтаваць альманах будуць галоўны рэдактар, гісторык і архівіст Наталля Гардзіенка (Мінск) і сябра Рэдакцыйнай Рады, аўтар шматлікіх матэрыялаў альманаху, архівіст Лявон Юрэвіч (Нью-Ёрк).

Таксама вас чакае выступ калектыва “Яваровы дзеці”!

Адрас: 524 St.Clarens Ave, Toronto

Уваход вольны, але ахвяраванні вітаюцца 

Даведкі: тэл. 416-876-8603,Facebook: @ZBK.Toronto

_ _ _

Згуртаванне Беларусаў Канады

Categories: Падзеі

Згуртаванне Беларусаў Канады і Арт-гасцёўня “Родны Край” запрашаюць

15 ЛЮТАГА, 18:00, СУБОТА

АДЧУЙ РЫТМ СВАЙГО СЭРЦА!

Рамантычная вечарына да дню Святога Валянціна з дуэтам “Кантабіле” і паэтам Юрасём Шамецька (Атава)

Вас чакаюць сучасныя хіты, танцы, вершы, пачастункі, конкурсы і сюрпрызы

Адрас: Беларускі грамадзка-рэлігійны цэнтар, 524 St. Clarens Ave, Toronto

Квіткі: $25 дарослы, $10 дзеці

Даведкі і рэзервацыя: тэл. 416-876-8603, e-mail: irynatoustsik@gmail.comFacebook: @ZBK.Toronto

Categories: Падзеі

НАВАГОДНЯЯ ФЕЕРЫЯ 2020!                    31 СНЕЖНЯ, 10:00 ВЕЧАРА524 St.Clarens Ave. Toronto
КОНКУРСЫ/ ЗАБАВЫ/ СВЯТОЧНЫЯ ВЯЧЭРА/ ДЫСКАТЭКА ДА РАНІЦЫ/ ФЕЕРЫЧНЫ НАСТРОЙ
Уваходны квіток 50 $/ Дзеці  6 – 12 гадоў 15 $/ Падлеткі 12-16 гадоў 25 $/ Дзецям да 6 гадоў уваход вольны

Інфармацыя і рэгістрацыя: тэл.: (647) 505 2956 e-mail:  irynatoustsik@gmail.com

Categories: Падзеі

Дарагія сябры!
ШЧЫРА ЗАПРАШАЕМ!
Беларуская Ялінка 2020
12 студзеня
НЯДЗЕЛЯ 12:00
-Беларуская народная казка
– Падарункі ад Святога Мікалая
– Гульні з каляднікамі
– Калядныя самаробкі
– Святочны стол для дзетак
-Кава з прысмакамі для дарослых
__________________________________________
КОШТ ДЗІЦЯЧАГА КВІТКА 30$
КОШТ ДАРОСЛАГА КВІТКА 10$
___________________________________________
Калі ласка, рэгіструйцеся і набывайце квіткі загадзя:
Ірына (647) 505 2956
irynatoustsik@gmail.com

Categories: Падзеі

Віншуем усіх нашых сяброў з надыходзячымі цудоўнымі Сьвятамі!

Віншуем усіх нашых сяброў з надыходзячымі цудоўнымі Сьвятамі! Добрага сьвяточнага настрою, радасьці і шчасьця!
Merry Christmas and Happy New Year!

 

 

Categories: Падзеі

Беларусы ў Канадзе супраць інтэграцыі Беларусі ў Расею!

7 лістапада 2019 г. Згуртаваньне Беларусаў Канады зарганізавала ў Таронта, Канада пікет супраць інтэграцыі Беларусі з Расеяй. Нягледзячы на сапраўднае зімовае сьнежнае надвор’е беларускія актывісты прыйшлі да Беларускага Цэнтару, які стаіць на зямлі, што належыць Парафіі Сьв. Кірылы Тураўскага ў Таронта (БАПЦ). 


Сымбалічна, што падчас пікетаваньня над удзельнікамі лунаў вялізны Бел-Чырвона-Белы Сьцяг, што стаўся пранесеным беларусамі Канады па вуліцах Вільні 22 і 23 лістапада падчас ўрачыстасьцяў па пахаваньню Герояў вызвольнага паўстаньня 1863-1864 гг. У пікеце. прынялі ўдзел Старшыня Галоўнае Ўправы ЗБК доктар Алена Лявончанка, Старшыня Канадыйскага Сэктару Рады БНР Алесь Кот, актывісты Згуртаваньня. Падчас пікетаваньня Алесь Кот меў кароткую прамову. 

Спасылка на видэа:

https://drive.google.com/file/d/1IK1pSsEyU4iGiLBldxd3SI1hJj31Q32e/view?usp=sharing

Ўсе удзельнікі пікету атрымалі ў падарунак па два вялікіх значкі, што сталіся прэзентаванымі спецыяльна беларусам Канады – ўдзельнікам ўрачыстага пахаваньня Герояў-Каліноўцаў – прадстаўнікамі Беларускага Грамадзкага Камітэту  ў Вільні 22 лістапада 2019г.

Алесь Кот

Categories: Падзеі

Жыве Беларусь! Я – за Незалежнасьць.

Жыве Беларусь! Я – за Незалежнасьць.Таму сёньня мы выйшлі на плошчу каля мэрыі Таронта ў знак салідарнасьці з тымі, хто выйшаў на вуліцы Мінска. Шмат хто скажа, што гэта наогул ні нашто не ўспрыяе. Мой адказ – у любых абставінах я раблю тое,што магу. Шмат людзей падыходзіла і цікавілася, чаму мы тут, на плошчы каля мэрыі Таронта. Галоўная наша мэта – падтрымаць Рух за незалежнасьць Беларусі і данесьці да жыхароў Таронта, што зараз пагроза знішчэньня незалежнасьці нашай любай Беларусі як ніколі рэальна.

Вось гэты каментар я атрымала сёньня ад Григорий Марговский

Выходзьце на плошчы сваіх гарадоў,
Да мэты вядзе Каліноўскі Кастусь!
Паўстаньце, браты, i няхай Часаслоў
Ўключае малітву: “Жыве Беларусь!”

https://www.facebook.com/photo.php?fbid=2843756382322516&set=a.1317788051586031&type=3&theater

Categories: Падзеі

АБ ПАГРОЗЕ НЕЗАЛЕЖНАСЬЦІ БЕЛАРУСІ

АКТУАЛЬНЫЯ ДАКУМЭНТЫ РАДЫ БНР

АБ ПАГРОЗЕ НЕЗАЛЕЖНАСЬЦІ БЕЛАРУСІ – ЗАЯВА

ПАДПІСАНТАЎ ВІЛЕНСКАГА МЭМАРАНДУМУ

1.12.2019RADABNR

У дзень XXX Сэсіі Рады БНР адбылася сумесная нарада падпісантаў Віленскага мэмарандуму 2012 г. – прадстаўнікоў галоўных беларускіх дэмакратычных партыяў і грамадзкіх арганізацый. Па выніках абмеркаваньня бягучай сытуацыі вакол магчымага падпісаньня афіцыйным Менскам і Крамлём дакумэнтаў аб далейшай інтэграцыі Беларусі і Расеі было вырашана прыняць заяву, тэкст якой падаем ніжэй.

АБ ПАГРОЗЕ НЕЗАЛЕЖНАСЬЦІ БЕЛАРУСІ

Сумесная заява падпісантаў Віленскага мэмарандуму (2012), прадстаўнікоў палітычных партыяў, рухаў, грамадзкіх арганізацыяў

Мы, падпісанты Віленскага мэмарандуму 2012 году, прадстаўнікі дэмакратычных партыяў, рухаў, грамадзянскай супольнасьці Беларусі сумесна з Радай Беларускай Народнай Рэспублікі:

— зьвяртаем увагу беларускага народу і міжнароднай супольнасьці на небясьпечны намер кіраўнікоў Расеі і Беларусі Ўладзіміра Пуціна і Аляксандра Лукашэнкі падпісаць 8 сьнежня сёлета дамовы, якія замацоўваюць залежнасьць Беларусі ад Расеі ды патэнцыйна пагражаюць самому далейшаму існаваньню Беларусі як незалежнай сувэрэннай дзяржавы;

— нагадваем, што беларускі народ стагодзьдзямі змагаўся за сваю незалежную дзяржаўнасьць, паклаўшы ў барацьбе спачатку з Расейскай, а затым з камуністычнай савецкай імпэрыяй незьлічоную колькасьць жыцьцяў, і гэтыя ахвяры не забытыя;

— падкрэсьліваем, што лёсавызначальныя для беларускага народу пагадненьні рыхтуюцца ў поўнай сакрэтнасьці, без якіх бы ні было кансультацыяў з прадстаўнікамі грамадзкасьці. Ніводзін праект дакумэнта не апублікаваны. Нават „дэпутаты парлямэнту“ ня здолелі атрымаць хаця б мінімальную інфармацыю ад ураду Беларусі;

— зазначаем, што ініцыятары інтэграцыі абгрунтоўваюць cвае дзеяньні вынікамі праведзенага ў Беларусі ў 1995 годзе рэфэрэндуму, адным з пытаньняў якога была эканамічная інтэграцыя з Расеяй. Але рэфэрэндум быў прызначаны насуперак Канстытуцыі і заканадаўству, у тым ліку шляхам зьбіцьця збройнымі падразьдзяленьнямі спэцслужбаў дэпутатаў апазыцыі непасрэдна ў залі парлямэнту, ён праходзіў з шматлікімі фальсыфікацыямі і не зьяўляецца сапраўдным волевыяўленьнем беларускага народу;

— заяўляем, што ад моманту абраньня Лукашэнкі прэзыдэнтам у 1994 годзе, у Беларусі не было свабодных і справядлівых выбараў, а ў лістападзе 1996 адбыўся канстытуцыйны пераварот і парлямэнт быў гвалтоўна распушчаны. У часе апошняй выбарчай кампаніі ў “палату прадстаўнікоў” значная частка непраўладных кандыдатаў не была дапушчаная да рэгістрацыі, нідзе назіральнікі не былі дапушчаныя да падліку галасоў, на шмат якіх участках зафіксаваныя іншыя парушэньні. У “парлямэнт” не прапушчаны ніводзін непраўладны кандыдат. Такім чынам, у Беларусі няма легітымнай заканадаўчай улады, а значыць, любыя дамовы, падпісаныя цяперашняй ўладай, апрыёры неканстытуцыйныя;

— нагадваем, што ў пачатку 1990-х гадоў Беларусь добраахвотна адмовілася ад ядзернай зброі, даверыўшыся гарантыям свайго сувэрэнітэту, сфармуляваным у так званым Будапэшцкім мэмарандуме, падпісаным ЗША, Вялікай Брытаніяй і Расеяй. Аднак абмежаваньне сувэрэнітэту Беларусі аж да пагрозы інкарпарацыі з боку Расеі, якая пад уладай Пуціна вядзе палітыку агрэсіўнай ваяўнічай імпэрыі, можа стварыць прынцыпова іншую і вельмі небясьпечную геапалітычную сытуацыю ў Эўропе: расейскае войска апынецца на 600 кілямэтраў бліжэй да эўрапейскіх сталіц.

Мы пацьвярджаем пазыцыю, заяўленую ў Віленскім мэмарандуме 2012 году: “Суб’ектам і першасным гарантам незалежнай дзяржаўнасьці Беларусі і нацыянальна-культурнай пэрспэктывы беларусаў ёсьць сам беларускі народ, які павінен сьцьвярджаць сваю палітычную волю ва ўмовах свабоды“.

Мы падкрэсьліваем, што кансэрвацыя антыдэмакратычнай, не падсправаздачнай народу, пазбаўленай дэмакратычна-канстытуцыйнай легітымнасьці ўлады ў Беларусі толькі ўзмацняе пагрозу незалежнасьці краіны.

Мы заклікаем дэмакратычныя дзяржавы сьвету, у тым ліку тыя, што падпісвалі Будапэшцкі мэмарандум, а таксама Эўрапейскі Зьвяз асудзіць любыя спробы Расейскай Фэдэрацыі абмежаваць сувэрэнітэт Беларусі, выкарыстоўваючы адсутнасьць у Беларусі дэмакратычна выбранай улады, а таксама выступіць з ініцыятывай гарантыяў незалежнасьці Беларусі на міжнародна-праўнай аснове.

Алена Анісім, старшыня Таварыства беларускай мовы імя Скарыны

Рыгор Кастусёў, старшыня партыі БНФ

Станіслаў Шушкевіч, старшыня Вярхоўнага Савета 12-га скліканьня

Юрась Беленькі, намесьнік старшыні Кансэрватыўна-хрысьніянскай партыі БНФ

Вінцук Вячорка, падпісант Віленскага Мэмарандуму

Павал Севярынец, сустаршыня аргкамітэту Беларускай хрысьціянскай дэмакратыі

Алена Талстая, сустаршыня Руху салідарнасьці “Разам”

Мікола Казлоў, выканаўца абавязкаў старшыні Аб’яднанай грамадзянскай партыі

Анатоль Лябедзька, дырэктар цэнтру “Эўрапейскі дыялёг”, дэпутат Вярхоўнага Савета 12-га і 13-га скліканьняў

Ад Рады Беларускай Народнай Рэспублікі – Івонка Сурвілла, старшыня Рады БНР

1 сьнежня 2019

Заява адкрытая для падпісаньня.

Categories: Падзеі

ЗАПРАШАЕМ НА КАЛЯДНЫ ФЭСТ 2019!

Субота, 14 снежня, 2019, 5:30 вечара 

Беларускі грамадзка-рэлігійны цэнтар,

524 St.Clarens Ave, Toronto, M6H 3W7

14 СНЕЖНЯ, СУБОТА, 5:30 ВЕЧАРА

ЗАПРАШАЕМ НА КАЛЯДНЫ ФЭСТ 2019!

5:30pm – 6:30pm МАЙСТАР-КЛАС НА ВЫБАР:

– “Саламяны анел” (пляценне з саломкі)

– “Каляднае печыва” (роспіс самаробнага печыва)

6:30pm – 8:30pm:

– Беларуская вячэра

– Традыцыйнае каляднае шоу з казой (Фольк-гурт “Яваровы Людзі”)

– Штогадовая калядная прэмія “Залаты Шчадрэц”

– Калядны баль у князя Радзівіла: сярэднявечныя беларускія танцы

Дарослы квіток $20/ Дзiцячы квіток10$

Адрас: 524 St.Clarens Ave, Toronto, M6H 3W7

Інфармацыя і рэгістрацыя: 647-505-2956, irynatoustsik@gmail.com, Facebook: @ZBK.Toronto

_ _ _

Згуртаванне Беларусаў Канады

Categories: Падзеі