Archive

Archive for the ‘Падзеі’ Category

Конкурс чытальнікаў вершаў “Я люблю Беларусь” да Дню Герояў

25 лістапада, субота
6:00 вечара

Конкурс чытальнікаў 2017_2

Паважаныя сябры!

Напярэдадні Дню Герояў
Згуртаваньне Беларусаў Канады
запрашае вас разам зь дзеткамі ўзяць удзел
у конкурсе чытальнікаў вершаў “Я люблю Беларусь”!

Прызы за найлепшае чытаньне!

Чытаць далей…

Advertisements
Categories: Падзеі

Вынікі 45-га агульнага Зьезду ЗБК

Belarus2 ЗГУРТАВАНЬНЕ БЕЛАРУСАЎ КАНАДЫ
Паведамленьне
Canada2

12 лістапада ў Беларускім грамадзка-рэлігійным цэнтры ў Таронта адбыўся 45-ы звычайны агульны Зьезд Згуртаваньня Беларусаў Канады.

Дэлегаты Зьезду выслухалі і абмеркавалі справаздачы Галоўнае Управы ЗБК, яго аддзелаў, Скарбніка і Нагляднае Рады. Зьезд вызначыў асноўныя накірункі дзейнасьці арганізацыі на наступныя тры гады і абраў новыя кіраўнічыя і кантрольныя ворганы арганізацыі.

На пасаду Старшыні Галоўнае Управы абраная сп. Алена Лявончанка.
У склад новае Галоўнае Управы ўвайшлі Дзьмітры Эльяшэвіч (Сакратар), Вера Еўдакімчык (Скарбнік), а таксама Пётра Мурзёнак, Сяргей Мазгавы, Павал Малышэўскі і Надзея Дробіна.

На пасаду Старшыні Нагляднае Рады абраны Руслан Качаткоў. У кантрольны ворган ЗБК таксама ўвайшлі Аляксандр Каралькевіч (Сакратар) і Наталія Баркар (Сябра).

Галоўная Управа ЗБК

Categories: Падзеі

У Канадзе ўшанавалі памяць Мітрапаліта Мікалая

DSC02385_900(артыкул абноўлены)

28 траўня 2017 г. у Беларускім Грамадзка-Рэлігійным Цэнтры горада Таронта адбылася Ганаровая Акадэмія з нагоды 100-годзьдзя Мітрапаліта Мікалая – Першагэрарха Беларускае Аўтакефальнае Праваслаўнае Царквы у 1983 – 2002 г. У прыбранай па-сьвяточнаму залі Цэнтру сабраліся ўшанаваць памяць Уладыкі Мікалая тыя, хто яго ведаў як сьвятара, як чалавека, хто разам зь ім сваім асабістым удзелам у грамадзка-рэлігійным жыцьці беларускіх асяродкаў дапамагаў Царкве, стаяў побач з Уладыкам Мікалаем у справе прасоўваньня Беларушчыны ў замежжы і на Бацькаўшчыне. Са сталіцы Канады Атавы для ўдзелу ва ўрачыстасьцях прыбылі Старшыня Рады БНР Івонка Сурвілла, група сябраў Атаўскага адзьдзелу Згуртаваньня Беларусаў Канады на чале са Старшынём Галоўнае Ўправы аддзелу Пётрам Мурзёнкам. З антарыйскага горада Бэры – Старшыня Каардынацыйнага Камітэту Беларусаў Канады доктар Руслан Качаткоў. З Таронта ў залі сабраліся Першагэрарх БАПЦ Архіэпіскап Паўночна-Амэрыканскі й Наваградзкі Сьвятаслаў, Старшыня Галоўнае Ўправы Згуртаваньня Беларусаў Канады Зьміцер Эльяшэвіч, сябры ЗБК, парафіяне Царквы сьв. Кірылы Тураўскага.

Чытаць далей…

Categories: Падзеі

БІНІМ на Кангрэсе Федэрацыі гуманітарных і сацыяльных навук Канады – 2017

З 27 мая па 2 чэрвеня 2017 года ў Райерсон універсітэце ў Таронта (Ryerson University, Toronto, Ontario) праходзіў 86-ты  штогодны кангрэс Федэрацыі гуманітарных і сацыяльных навук Канады. На Кангрэсе вынікі сваёй апрацы прадстаўлялі звыш 8000 даследчыкаў, аб’яднаных у больш чым 70 навуковых ассацыяцый. Па традыцыі ў Кангрэсе прынялі ўдзел сябры Беларускага інстытута навукі і мастацтва ў Канадзе (БІНІМ). Даследчыкі з БІНІМу ўваходзяць у Канадыйскую асацыяцыю славістаў (КАС). Гэта асацыяцыя аб’ядноўвае навукоўцаў, што займаюцца вывучэннем славянскай гісторыі, мовы, палітыкі, культуры і літаратуры (балканскія краіны, Беларусь, Польшча, Расія, Украіна і інш.).

Чытаць далей…

З Новым Годам!

Згуртаваньне Беларусаў Канады шчыра віншуе са Сьвятам Божага Нараджэньня і Новым 2017 Годам!

Прапануем паглядзець традыцыйнае ўжо відэа-віншаваньне ад “Яваровых Людзей” і ўсіх беларусаў Канады!

Categories: Падзеі

Андрэй Саньнікаў прэзэнтаваў сваю кнігу ў Канадзе

img_3988

Прэзэнтацыя кнігі Андрэя Саньнікава «Мая гісторыя. Беларуская “Амэрыканка”, або выбары пры дыктатуры» былі арганізаваныя Згуртаваньнем Беларусаў Канады 17 лістапада адразу ў двух гарадох Антарыё. Таронта прывітаў былога палітзьняволенага, кандыдата ў прэзыдэнты Беларусі 2010 году, намесьніка Міністра Замежных спраў Беларусі 1995-1996 г. Андрэя Саньнікава ў Беларускім грамадзка-рэлігійным цэнтры Таронта ўвечары. Раніцай таго ж дня беларусам Атавы на чале з старшынём Атаўскага адзьдзелу ЗБК Пётрам Мурзёнкам таксама выпаў шанец сустрэць аўтара кнігі і паразмаўляць пра лёс палітыка і будучыню Беларусі.

Чытаць далей…

Categories: Падзеі

Прэзентацыя беларускіх кніг у Атаве

9-га кастрычніка 2016 года ў Атаве  (Канада)  адбылася прэзентацыя двух цікавых кніг: Пятра Сільвестравіча Мурзёнка “Адвечныя Плыні” і Пётры Пятровіча Мурзёнка “Шляхі да беларускай нацыі”.  Кнігі былі выдадзены ў Мінску пры падтрымцы Згуртавання Беларусаў Свету “Бацькаўшчына”.

Напачатку вечарыны Пётра Мурзёнак распавёў пра кнігу свайго бацькі, Пятра Сільвестравіча, “Адвечныя Плыні”, якая, нажаль, пабачыла свет ужо пасля смерці аўтара. “Адвечныя Плыні” — другая кіга аўтара. Першая, — “Над  Дзісенкай ракой”была выдадзена ў Канадзе ў 2008 годзе.

“Адвечныя Плыні” змяшчае багатую падборку:  дзіцячыя казкі,  навелы, апавяданні. Усе гэтыя творы яскрава і дэталёва апісваюць жыццёвы шлях  аўтара, яго ўраджанні і погляды на жыццё ў Беларусі і Канадзе. У кнізе  дамінуе любоў да родных мясцін – Паўстаўшчыны. Кніга насычана ўспамінамі пра родных і блізкіх аўтару людзей, цікавымі аповедамі  аб шчаслівых і  складаных момантах жыцця.

Чытаць далей…

Categories: Падзеі