Archive

Archive for the ‘Падзеі’ Category

Адпачынак беларусаў Атавы на возеры Філіп

18 жніўня 2019 года беларусы Атавы адпачылі на цудоўным возеры Філіп (Philippe Lake)

Advertisements
Categories: Падзеі

Гармонія каляровай паэзіі Юрася Шамецькі

23 чэрвеня ў культурным жыцці беларускамоўнай Атавы (Канада) адбылася значная падзея – імпрэза з нагоды выхаду ў свет новага зборніка вершаў Юрася Шамецькі «Непрадказальнае». На сустрэчу з паэтам да яго ў госці прыйшлі шматлікія аматары паэзіі і проста сябры. Аўтар з натхненнем пазнаёміў слухачоў са сваім новым зборнікам.

«Непрадказальнае» Юрася Шамецькі – гэта пошук гармоніі ў жыцці, спроба звязаць супярэчлівыя і, на першы погляд, несумяшчальныя рэчы і рэчаіснасці: любоў да роднай Беларусі і зноўку пабудаванае жыццё ў Канадзе, успаміны дзяцінства і пульс сучаснасці, адарванасць ад матулінага вогнішча і шчырае канадыйскае асяроддзе.

Калі слухаць вершы Юрася, паступова прыходзіць пачуцце гармоніі, а супярэчнасці зліваюцца ў адну лёгкую і прыемную мастацкую прастору.

Чытаць далей…

Дзень Волі ў Атаве

Дарагія сябры,

Атаўскі Аддзел Згуртавання Беларусаў Канады і Беларускі Інстытут Навукі і Мастацтва ў Канадзе запрашае Вас на свята 101-х ўгодкаў Абвяшчэння Незалежнасці Беларускай Народнай Рэспублікі.

Святкаванне адбудзецца ў суботу, 6 красавіка 2019 года, 14.00-17.00, у будынку мэрыі горада Атава
па адрасу:

110 Laurier Ave W
Ottawa ON K2P 1J1
на другім паверсе, у залі Councillors Lounge.

У праграме:
1. Віншаванне ад сп. І. Сурвілла, старшыні рады БНР.

2. Уручэнне дыпломаў Беларускага Інстытута Навукі і Мастацтва (Канада) за 2018 год.
3. Вершы Юрася Шамецькі.
4. Спектакль “Вуліца Геніюш”. Артысты з Таронта, рэжысёр –
В. Шаўчэнка.
Больш інфармацыі пра спектакль:
http://binim.org/index.php/2018/04/23/v-geniush/

 

Кава і пачастункі (спадзяемся на ваш удзел)

Калі ласка, запрашайце сваіх сяброў!
Будзем рады бачыць Вас на гэтай падзеі.
Уваход вольны, ахвяраванні вітаюцца.

Тэлефоны для даведак:
Наталія і Пётра Мурзёнкі – (613) 680-1114
Аксана i Сяргей Мазгавыя – (613) 733-7361
Уладзя і Юра Шамецькі – (613) 686-5300

Святкаванне 100-годдзя Беларускай Народнай Рэспублікі ў Атаве

2018/03/15 1 comment

 

11 сакавіка 2018 года, ў цудоўны сонечны дзень,  у Атаве адбылося святкаванне стагодняга юбілею абвяшчэння незалежнасці Беларускай Народнай Рэспублікі. Cвята прайшло крыху раней за афіцыйную дату 25 сакавіка, і таму можна лічыць наша святкаванне было адным з найпершых у чарзе афіцыйных свят, прысвечаных гэтай важнай гістарычнай даце ў жыцьці беларускага народа.

Беларусы Атавы пачалі падрыхтоўку да свята яшчэ на пачатку снежня 2017 года, калі сябры Атаўскага аддзела Згуртавання беларусаў Канады і сябры Беларускага інстытута навукі і мастацтва ў Канадзе распрацавалі план свята. Чытаць далей…

Categories: Articles, Падзеі

Беларусь: Схаваная гісторыя старажытнай краіны

(прэс-рэліз)

100-гадовы юбілей абвяшчэньня незалежнасці Беларускай Народнай Рэспублікі (БНР) будзе адзначацца 11 сакавіка 2018 года у цэнтральным будынку Канадыйскага парламента. Свята арганізавана Атаўскім аддзелам Згуртаваньня Беларусаў Канады, якое з пачатку 1948 года абядноўвае канадыйцаў з беларускімі каранямі, а таксама Беларускім інстытутам навук і мастацтваў у Канадзе. Святкаваньне будзе адбываццца з 12.00 да 16.00 гадзін. На ім будуць прысутнічаць запрошаныя госьці: мэр горада Аттавы, Джым Ватсон, сябра канадыйскага парламента Чандра Арыя, лідэры і прадстаўнікі латвійскай, літоўскай, польскай, украінскай дыяспар у Аттаве. Чакаецца звыш 100 удзельнікаў.

Чытаць далей…

Урачыстае святкаваньне 100-годдзя БНР у Атаве

 

Праграма святкавання

Дарагія сябры!

Атаўскі аддзел Згуртаваньня беларусаў Канады і Беларускі інстытут навукі і мастацтва ў Канадзе шчыра запрашаюць вас на ўрачыстае святкаваньне вялікай гістарычнай падзеі ў жыцьці беларускага народа

100-годдзя абвяшчэньня Беларускай Народнай Рэспублікі

100-гадовы юбілей БНР будзе адзначацца 11 сакавіка 2018 года, у нядзелю, з 12.00 да 16.00, у сьценах канадыйскага парламента:

Parliament Hill, Centre Block, Commonwealth Reading Room, 237С.map

Уваход на свята свабодны. Ахвяраваньні вітаюцца.
 
Папярэдняя праграма прыкладаецца. Для дзяцей будзе арганізаваны стол з гульнямі.
 
Каб своечасова трапіць на сьвята трэба быць на ўваходзе ў парламент раней для праходжаньня праз службу бясьпекі і мець з сабой дакумент са здымкам.

Бліжэйшыя паркінгі без аплаты ў нядзелю: World Exchange Plaza, City HallПросім вас загадзя паведаміць (пажадана да 1 сакавіка) ці збіраецеся вы і вашы сябры прысутнічаць на сьвяце.

Калі ласка разашліце гэта паведамленьне сваім сябрам.

Тэлефоны для даведак:

Наталія і Пётра Мурзёнкі – 613-680-1114

Юрась і Ўладзя Шамецькі – 613-686-5300

Сяргей Мазгавы – 613-790-7361

Categories: Падзеі

Дзіцячы клюб “Размова” запрашае!

4 лютага, нядзеля
4:00 вечара

razmova

Шаноўнае спадарства!

Дзіцячы клюб «РазMова» запрашае дзетак (5-13 гадоў) на беларускамоўны занятак “Мая сям’я”.

Час: 4 ЛЮТАГА (нядзеля) а 4-ай гадзіне

На занятку:

  • Разьвіцьцё эмпатыі і эмоцый
  • Пашырэньне лексычнага слоўніка дзяцей
  • Знаёмства з сымболікай Беларусі
  • Стварэньне сямейнага герба
  • Сямейныя гісторыі і традыцыі
  • Гульні і забавы
  • Кераміка

Адрас: 524 St. Clarens Ave.

Кошт занятку: $15. Грошы будуць перададзеныя дабрачынна-сацыяльнаму праекту “Разам” – прафіляктыка дзіцячага сіроцтва на Беларусі.

Рэгістрацыя: 647-2013-602 альбо razmovabel@gmail.com (Кацярына Віктаровіч)

Categories: Падзеі