Archive

Archive for the ‘Падзеі’ Category

Верш канадыйскай салідарнасьці з беларусамі Бацькаўшчыны

Categories: Навіны, Падзеі

30 жніўня 2020 : Шэсьце салідарнасьці ў Таронта

 

У нядзелю 30-га жніўня Згуртаваньне беларусаў Канады зладзіла  з народам Беларусі, дамовіўшыся з адміністрацыяй Таронта, каб падсьвяціць сымбалічныя літары TORONTO бел-чырвона- белымі колерамі.

Амаль 300 чалавек прайшлі вуліцамі Таронта, а потым з гуртом “Яваровы Людзі” сьпявалі беларускія народныя песьні ў падтрымку актораў Купалаўскага тэатру.

Categories: Падзеі

Дзень чорнай стужкі ў Атаве

23 жніўня 2020 года адбылася цырымонія ўскладаньня вянка прадстаўнікамі дыяспар цэнтральных і усходне-еўрапейскіх краін да Нацыянальнага ваеннага мемарыяла ў Атаве (the National War Memorial).

Цырымонія была арганізавана Канадскім камітэтам цэнтральных і усходнееўрапескіх краін (CEECC, The Central and Eastern European Council in Canada) і узгоднена з Канадскім міністэрствам па справах ветэранаў. Камітэтб СЕЕСС, прадстаўляе інтарэсы калі 4 мільёнаў канадыйцаў, якія паходзяць з краін гэтых рэгіёнаў.

На цырымоніі прысутнічалі каля 30 асоб, якія прадстаўлялі дыяспары Беларусі, Венгрыі, Латвіі, Літвы, Польшчы, Украіны, Чэхіі, Эстоніі. На пачатку  падзеі малітву прачытаў айцец Б. Генгало. На падзеі выступілі прадстаўнікі амбасад Латвіі, Літвы і Польшчы. З дакладам, прысвечаным 81-й гадавіне заключэньня Пакта Молатава-Рыбентропа, які даў пачатак Другой сусьветнай вайне, выступіў інжэнер А.Яблонскі ад польскай дыяспары. Ад беларускай дыяспары выступіў доктар П. Мурзёнак, які прадставіў грамадству палітычную сітуацыю ў Беларусі, якая склалася пасля прэзідэнцкіх выбараў-2020.

Пётра Мурзёнак,

старшыня Атаўскага аддзела ЗБК

Удзельнікі цырымоніі ускладаньня вянка каля Нацыянальнага ваеннага мемарыяла

 

Прамаўляе д-р П. Мурзёнак, справа – інж. А.Яблонскі

Press Release

August 23, 2020

OTTAWA – 2020 marks the 81st sad anniversary of the infamous Hitler-Stalin Pact between Nazi Germany and Soviet Russia. Signed on August 23, 1939, this Alliance ultimately led to the outbreak of World War II and the suffering of millions.

Чытаць далей…

Categories: Падзеі

23 жніўня 2020 Марш Салідарнаці Ў Атаве

23 жніўня 2020 беларусы Атавы правялі марш у падтрымку дэмакратыі і свабоды ў Беларусі.

Categories: Падзеі

400 чалавек у жывым ланцугу ў Таронта падтрымалі мірныя перамены ў Беларусі

23 жніўня 2020 каля 400 канадыйскіх беларусаў і сяброў балтыцкіх дыяспараў (летувісаў, латышоў, эстонцаў), а таксама прадстаўнікоў Ган Конгу, Венесуэлы і Тайваня сталі ў жывы ланцуг у Таронта, каб падтрымаць змаганьне за справядлівасьць, дэмакратыю і свабоду ў Беларусі. Мы падтрымалі ініцыятыву #FreedomWay, якая сымбалічна аднавіла ў звыш як 20 краінах знакаміты мірны пратэст балцкіх народаў 23 жніўня 1989 году. У той дзень больш за два мільёны эстонцаў, латышоў і летувісаў стварылі жывы ланцуг працягласьцю 675 км. Дзякуй нашым сябрам з Kanados Lietuviu Jaunimo Sajunga – KLJS за партнэрства і рэалізацыю гэтай ідэі і мноству валянтэраў і ўдзельнікаў! Special thanks to Gary Begin for all his amazing photos.

Categories: Падзеі

PRESS RELEASE

Lithuanian Canadian Community and the Belarusian Canadian Alliance

FOR IMMEDIATE RELEASE

Sunday, Aug. 23, 2020

Canadian Belarusians, Canadian Lithuanians, and representatives of other diasporas formed a human chain in Toronto today to support the people of Belarus in their struggle for freedom and democracy.

Along Bloor Street from Kipling to Islington, four hundred members of the Lithuanian Canadian Community and Belarusian Canadian Alliance stood together to raise awareness of the tragic events in Belarus.

This was part of an international Freedom Way Vilnius-Belarus initiative with similar events taking place in over 20 countries.

“The historic Baltic Way of  August 23, 1989, was a human chain of 2 million people across Lithuania, Latvia  and Estonia, which later regained independence. Freedom Way Vilnius-Belarus on August 23, 2020 is our symbolic effort to show the people of Belarus that they are not alone,” says Skaidra Puodziunas, Coordinator of the Freedom Way for Belarus Event.

“All of us, living here in Canada, seem far from the front line of this battle between good and evil. However, we all need to help the Belarusians in Belarus with what we can: our moral solidarity, political support, and financial help,” says Mitt Korot from the Belarusian Canadian Alliance.

Чытаць далей…

Categories: Падзеі

16 жніўня 2020 : Пікет салідарнасці ў Атаве

16 жніўня 2020 беларусы Атавы  правялі пікет, як сымбаль салідарнасьці з народам Беларусі за адстаўку былога Прэзідэнта Рэспублікі Беларусь, адмену сфальсыфіканых выбараў і правядзеньне новых свабодных выбараў у краіне. Удзельнікі пікету спрабуюць прыцягнуць увагу канадыіскай грамадзкасьці да шматлікіх парушэньняў, што былі зафіксаваныя ў часе выбараў на Беларусі, а таксама распавесці пра рэпрэсіям і гвалт разьвязанымі ўладамі Беларусі супраць мірных акцый пратэсту.

 

Categories: Падзеі

Пікет салідарнасці ў Атаве

25 ліпеня 2020 года ў сталіце Атаве прайшоў пікет салідарнасьці за свабодныя выбары і ў падтрымку дэмакратыі Беларусі. У пікеце прынялі ўдзел больш за 60 чалавек, уключаючы прадстаўнікоў украінскай і польскай дыяспараў.

На пачатку пікета быў зачытаны зварот старшыні Рады БНР Івонкі Сурвілы аб палітычнай сытуацыі ў Беларусі. З прамовай выступіў старшыня Атаўскага аддзела Згуртаваньня беларусаў Канады Пётра Мурзёнак, старшыня Атаўскага аддзелу Украінскага нацыянальнага кангрэсу Барыс Генгала, віцэ-старшыня Польскай нацыянальнай еднасьці Станіслаў Забароўскі, дэпутат канадыйскага парлямэнта Чандр Арыя.

Удзельнікі пікету падпісалі пэтыцыі да Арганізацыі аб’яднаных нацый і Міністэрства замежных спраў Канады аб сытуацыі ў Беларусі, а таксама заявы на вылучэньне назіральнікаў на выбары на ўчастак для галасаваньня ў пасольстве Беларусі ў Атаве і актывістаў для арганізацыі экзіт-пола.

 

Categories: Падзеі

НЕ СПЫНЯЙСЯ /KEEP GOING Музычны кліп з Таронта

Музыка: Атыліё Фантана

Словы: Сяржук Сокалаў -Воюш

Вакал: Валянціна Шаўчэнка

Аўтарка кліпу: Валянціна Шаўчэнка

Categories: Падзеі

У БЕЛАРУСІ АДСУТНІЧАЮЦЬ УМОВЫ ДЛЯ ДЭМАКРАТЫЧНЫХ ВЫБАРАЎ ПРЭЗЫДЭНТА – ЗАЯВА РАДЫ БНР

Зважаючы на абвяшчэньне афіцыйнымі ўладамі Беларусі выбараў Прэзыдэнта Рэспублікі Беларусь на 9 жніўня 2020 г. і на пачатак вылучэньня кандыдатаў, Рада Беларускай Народнай Рэспублікі заяўляе наступнае:

1. На дадзены момант у Беларусі надалей адсутнічаюць умовы для правядзеньня свабодных і дэмакратычных выбараў, якія б адпавядалі як міжнародным стандартам, у тым ліку міжнародным абавязальніцтвам Рэспублікі Беларусь, так і літары і духу дзеючага законадаўства Рэспублікі Беларусь. Створаныя перашкоды для вылучэньня кандыдатаў, альтэрнатыўных А. Лукашэнку. Сярод іншага, адсутнічаюць умовы для правядзеньня выбарчай кампаніі, у якой усе кандыдаты мелі б аднолькавыя магчымасьці, а таксама для прадухіленьня адміністратыўнага ціску на выбарцаў. Адсутнічаюць умовы для незалежнага кантроля і назіраньня за працэсам падліку галасоў, што ў чарговы раз стварае небясьпеку масавых фальсыфікацый вынікаў галасаваньня.

2. Зважаючы на незаконнасьць рэфэрэндума 2004 года, па выніках якога было скасаванае абмежаваньне колькасьці тэрмінаў, якія адна асоба можа займаць пасаду прэзыдэнта, А. Лукашэнка ня мае законнага права вылучаць сваю кандыдатуру на выбарах прэзыдэнта Рэспублікі Беларусь.

3. Пандэмія каранавіруса стварае дадатковыя рызыкі, зьвязаныя з арганізацыяй і правядзеньнем выбараў у гэты пэрыяд. Правядзеньне масавых мерапрыемстваў, у тым ліку выбараў, у час пандэміі стварае пагрозу здароўю і жыцьцям грамадзянаў Беларусі.

Спасылаючыся на сваю заяву ад 13 кастрычніка 2015 г., прысьвечаную папярэднім выбарам Прэзыдэнта Рэспублікі Беларусь, Рада БНР надалей заклікае ўлады Рэспублікі Беларусь і ўсе зацікаўленыя бакі:

– Гарантаваць грамадзянам Беларусі дэмакратычныя правы і свабоды, замацаваныя ў тым ліку ў дзеючым законадаўстве Рэспублікі Беларусь і міжнароднымі дамовамі, падпісанымі Рэспублікай Беларусь;

– Стварыць у Беларусі перадумовы для правядзеньня паўнавартасных свабодных і справядлівых выбараў, пасьля чаго правесьці ў адпаведнасьці з законадаўствам Рэспублікі Беларусь і міжнароднымі дэмакратычнымі стандартамі перавыбары ва ўсе органы дзяржаўнай і мясцовай улады.

Рада БНР надалей заклікае міжнародную супольнасьць спрыяць дэмакратызацыі Беларусі і ажыцьцяўляць ціск на афіцыйныя ўлады Рэспублікі Беларусь з гэтаю мэтай.

Спасылаючыся на сваю заяву ад 31 сакавіка 2020 г., Рада БНР заклікае беларускія ўлады да адкрытасьці і адказнасьці перад беларускім грамадзтвам і патрабуе неадкладна прыняць усе неабходныя меры дзеля забесьпячэньня аховы здароўя людзей ва ўмовах пандэміі.

Рада Беларускае Народнае Рэспублікі заяўляе, што дэмакратычныя выбары, павага да правоў чалавека і свабода слова – гэта адзіны магчымы шлях да нацыянальнай кансалідацыі беларусаў, выхаду зь міжнароднай ізаляцыі, у якой Беларусь знаходзіцца апошнія дзесяцігодзьдзі, а таксама адзіны шлях для абароны незалежнасьці Беларусі ва ўмовах пагрозы з боку сёньняшняй нацыяналістычнай і аўтарытарнай Расеі.

Categories: Падзеі