Archive

Archive for the ‘Навіны’ Category

Верш канадыйскай салідарнасьці з беларусамі Бацькаўшчыны

Categories: Навіны, Падзеі

Памяці АНАТОЛЯ ІВАНАВІЧА ХРАНОЎСКАГА (3.03.1934 – 31.03.2020)

Анатоль Іванавіч Храноўскі, добравядомы дзеяч беларускай эміграцыі ў Паўночнай Амерыцы, пакінуў нас 31 сакавіка 2020 года. Анатоль Іванавіч Храноўскі нарадзіўся 3 сакавіка 1934 года ў Слоніме. Пасьля другой сусьветнай вайны разам з бацькамі вымушана апынуўся на Захадзе, а з 1949 года прыехаў у Манрэаль, дзе правёў найбольш актыўную частку свайго жыцьця. Анатоль Іванавіч Храноўскі пакінуў пасля сябе цудоўную сям’ю, жонку Крыстыну, дачок, Ларысу і Алёну, сыноў Антона і Рыгора, унукаў.

Анатоль Іванавіч Храноўскі 
(ля свайго дома ў Саттон, 2006)

Ён быў выключна працавітым і здольным чалавекам, больш таго – грунтоўным, меў сілы збудаваць дом і катэдж, адчыніць дзьверы для добрага жыцьця сваім дзецям. Сп. Анатоль Храноўскі быў чалавекам шырокай і шчодрай душы, надзелены богам і прыродай розумам, які яднаў яго разам з сям’ёй і з радзімай, што засталася за акіянам.
Калі казаць пра грамадскае, беларускае жыцьцё Анатоля Іванавіча ў Канадзе, то трэба ў першую чаргу сказаць, што ён быў сябрам Рады Беларускай Народнай Рэспублікі. На мой погляд ім было зроблена настолькі шмат для беларускай справы ў Манрэалі, што ён меў адмысловае права, як ніхто іншы, быць у складзе нашага парламента і ўрада БНР на выгнаньні. У 1989 годзе ён арганізаваў Згуртаваньне Беларусаў у Квебеку, якое узначальваў на працягу 25 гадоў. Кожны год у Манрэалі адзначаліся Дні незалежнасьці БНР, куды таксама часам прыязджалі беларусы з Атавы і Таронта. Дзякуючы яго намаганьням беларусы былі прадстаўлены на розных значных падзеях і мерапрыемствах, дзе ўдзельнічалі людзі розных культур, што жывуць у Канадзе; у прыватнасьці пры яго непасрэдным удзеле і з яго ініцыятывы былі арганізаваны беларускі куточак ў Saint Joseph Oratorium (Montreal), беларуская частка выставы ў музеі розных культур у Rawdon.

Чытаць далей…

Categories: Навіны

Гармонія каляровай паэзіі Юрася Шамецькі

23 чэрвеня ў культурным жыцці беларускамоўнай Атавы (Канада) адбылася значная падзея – імпрэза з нагоды выхаду ў свет новага зборніка вершаў Юрася Шамецькі «Непрадказальнае». На сустрэчу з паэтам да яго ў госці прыйшлі шматлікія аматары паэзіі і проста сябры. Аўтар з натхненнем пазнаёміў слухачоў са сваім новым зборнікам.

«Непрадказальнае» Юрася Шамецькі – гэта пошук гармоніі ў жыцці, спроба звязаць супярэчлівыя і, на першы погляд, несумяшчальныя рэчы і рэчаіснасці: любоў да роднай Беларусі і зноўку пабудаванае жыццё ў Канадзе, успаміны дзяцінства і пульс сучаснасці, адарванасць ад матулінага вогнішча і шчырае канадыйскае асяроддзе.

Калі слухаць вершы Юрася, паступова прыходзіць пачуцце гармоніі, а супярэчнасці зліваюцца ў адну лёгкую і прыемную мастацкую прастору.

Чытаць далей…

Беларусь: Схаваная гісторыя старажытнай краіны

(прэс-рэліз)

100-гадовы юбілей абвяшчэньня незалежнасці Беларускай Народнай Рэспублікі (БНР) будзе адзначацца 11 сакавіка 2018 года у цэнтральным будынку Канадыйскага парламента. Свята арганізавана Атаўскім аддзелам Згуртаваньня Беларусаў Канады, якое з пачатку 1948 года абядноўвае канадыйцаў з беларускімі каранямі, а таксама Беларускім інстытутам навук і мастацтваў у Канадзе. Святкаваньне будзе адбываццца з 12.00 да 16.00 гадзін. На ім будуць прысутнічаць запрошаныя госьці: мэр горада Аттавы, Джым Ватсон, сябра канадыйскага парламента Чандра Арыя, лідэры і прадстаўнікі латвійскай, літоўскай, польскай, украінскай дыяспар у Аттаве. Чакаецца звыш 100 удзельнікаў.

Чытаць далей…

3-5 верасня 2016, 32-я Сустрэча беларусаў Паўночнай Амэрыкі

 

Poster_Ottawa 2016

Дарагія сябры!

Сардэчна запрашаем Вас на 32-ю Сустрэчу беларусаў Паўночнай Амэрыкі!

Чытаць далей…

Ґазэце «Беларус» – 65!

Bielarus-logo[1]Дарагі «Беларусе»!

Паважаныя сябры!

Галоўная Ўправа Згуртаваньня Беларусаў Канады, Рада Парафіі Сьвятога Кірылы Тураўскага ў Таронта (БАПЦ) шчыра віншуюць вас з выдатнаю падзеяю – 65-годзьдзем выхаду ў сьвет першага нумару ґазэты.

Чытаць далей…

Categories: Навіны

Віншуем з Нобелеўскай прэміяй!

Сьвятлана Алексіевіч. Photo author: Elke Wetzig. http://creativecommons.org/licenses/by-sa/3.0/de/Дарагія сябры!

Галоўная управа Згуртаваньня беларусаў Канады шчыра віншуе сп. Сьвятлану Алексіевіч з Нобелеўскай прэміяй і зычыць ёй далейшых творчых посьпехаў.
Беларусы Канады вельмі рады за яе і адчуваюць вялікі гонар за нашу родную краіну.

Галоўная управа ЗБК

Categories: Навіны

Навагодняя песьня ад “Яваровых людзей”

Categories: Навіны, Падзеі

Віншаваньні ад Івонкі

ivonka

Categories: Навіны

Калядная паштоўка ад «Яваровых людзей»

Categories: Навіны