Галоўная старонка > Падзеі > Вандроўка да Беларускага Памятнага Крыжа ў Мідлэндзе

Вандроўка да Беларускага Памятнага Крыжа ў Мідлэндзе

Традыцыйная вандроўка да Беларускага Крыжа ў Прошчы Пакутнікаў што ля Мідлэнду (Антарыё) адбылася 4 чэрвеня. Сябры Згуртаваньня Беларусаў Канады і Парафіі Сьв. Кірылы Тураўскага Беларускай Аўтакефальнай Праваслаўнай Царквы штогод наведваюць гэты сымбаль веры і беларушчыны.

Сёлета акрамя мэмарыялу беларусы завіталі ў музэй сярэднявечча, што паўстаў у адноўленым манастыры побач з Прошчай.

P1040128_crop

Крыж упершыню паўстаў у 1988 годзе ў гонар 1000-годзьдзя хрысьціянства на Беларусі. Арганізатарамі і галоўнымі фундатарамі гэтага праекту былі Вінцук і Раіса Жук-Грышкевічы, удзел прымалі дзеячы беларускай эміграцыі з усяго сьвету. У 1995 годзе побач усталявалі сымбалічны камень у памяць усіх загінулых ад рук камуністычных катаў. У 2013 годзе крыж давялося дэмантаваць, бо за 25 гадоў ён спарахнеў дашчэнту. Тады ж новае пакаленьне беларускае эміграцыі аднавіла крыж, пацьвердзіўшы сваю вернасьць беларушчыне. Аўтар новага крыжа – Юрась Шаўчэнка.

Правялебны Ўладыка Сьвятаслаў прачытаў малітву за беларускі народ.

IMG_2523_crop

Старшыня Згуртаваньня Беларусаў Канады Дзьмітры Эльяшэвіч прачытаў знакаміты верш Натальлі Арсеньневай, які яна прысьвяціла крыжу ў Мідлэндзе.

P1040127

Напрыканцы афіцыйнае часткі імпрэзы сябры ЗБК прасьпявалі гімн “Магутны Божа”.

IMG_2537

Пасьля традыцыйнага пачастунку удзельнікі наведалі музэй Прошчы Пакутнікаў.

Сёньня Прошча Пакутнікаў – нацыянальны мэмарыял, дзе прадстаўнікі розных народаў сьвету, што жывуць у Канадзе, маюць свае нацыянальныя хрысьціянскія сьвятыні. Але гэты мэмарыял быў створаны не ў выпадковым месцы: 377 гадоў таму тут было заснаванае першае па-за межамі Квэбэку паселішча: манастыр Сьвятой Марыі сярод Гуронаў. Манахі ордэну Езуітаў прапаведавалі хрысьціянства ў навакольных вёсках індзейцаў. Васьмёра сьвятых айцоў загінулі падчас гэтае місіі і пазьней былі прынятыя ў лік сьвятых.

vlcsnap-2016-06-12-17h35m28s953

У наш час амаль цалкам драўляны манастыр старана адноўлены, там зроблены жывы музэй: наведвальнікі могуць убачыць, як жылі людзі ў тыя часы. Супрацоўнікі музэю паказваюць наведвальнікам, як працавалі ў даўніну кавалі й цесьлі, як нарыхтоўвалі скуры й рабілі ежу.

P1040137

Музэй даволі вялікі, ёсьць магчымасьць памацаць і адчуць пах сярэднявечча. Беларусы зь цікавасьцю разглядалі рэканструкцыю, дзяліліся ўспамінамі аб беларускіх вёсках, дзе раз-пораз яшчэ можна ўбачыць шмат гэткіх жа дэталяў вясковага побыту, якія ў Канадзе засталіся хіба ў музэі.

P1040135

Advertisements
Categories: Падзеі
  1. Яшчэ няма каментарыяў.
  1. No trackbacks yet.

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Змяніць )

Twitter picture

You are commenting using your Twitter account. Log Out / Змяніць )

Facebook photo

You are commenting using your Facebook account. Log Out / Змяніць )

Google+ photo

You are commenting using your Google+ account. Log Out / Змяніць )

Connecting to %s

%d bloggers like this: