Галоўная старонка > Падзеі > Мова Нанова цяпер і ў Таронта. Першыя заняткі

Мова Нанова цяпер і ў Таронта. Першыя заняткі

7 лістапада 2015 году ў Таронта Мова Нанова пры падтрымцы Згуртаваньня Беларусаў Канады распачала свой першы сэзон інтэрактыўных заняткаў беларускай мовы.пернікі

Журналіст Глеб Лабадзенка і філёляг Алеся Літвіноўская, заснавальнікі курсаў Мова Нанова ў Беларусі, прывіталі ўдзельнікаў Мовы Нанова ў Таронта праз загадзя запісаны відэа-зварот, бо розніца ў часе не дазволіла зрабіць гэта онлайн. У Беларусі ў гэты час была акурат ноч.

Граматычны блёк прадставіў старшыня Згуртаваньня Беларусаў Канады, лінгвіст Зьміцер Эльяшэвіч.

Тэмай першых заняткаў сталася “Здаровае харчаваньне”. Доктар малекулярнай біялёгіі Алена Лявончанка падрыхтавала прэзэнтацыю, наўзвочна прадэманстравала хімічныя працэсы, якія адбываюцца ў нашым арганізьме падчас страваваньня, і як карысная і некарысная ежа ўплывае на нашае здароўе.

Нягледзячы на глыбокую ноч па беларускім часе, жывы голас з Беларусі ўсё ж такі быў пачуты. Скайп-госьць з Беларусі, дацэнт Мэдычнага Ўнівэрсытэту Віталь Кошалеў цярпліва чакаў відэазлучэньня з Таронта і з задавальненьнем адказаў на пытаньні ўдзельнікаў мерапрыемства пасьля сваёй прэзэнтацыі пра здаровае харчаваньне.

Госьць тэматычнага блёку – сямейны лекар Юлія Барыла, якая практыкуе ў Таронта, таксама адказала на пытаньні, што хвалявалі ўдзельнікаў Мова Нанова ў Таронта.

Працягам музычнага блёку выступаў беларускі фольк-гурт з Таронта “Яваровы людзі”. Слухачы разам з гуртом сьпявалі песьні й гралі на музычных інструмэнтах.

Ірына Тоўсьцік, вядучая й адна з ініцыятараў Мова Нанова ў Таронта, пра курсы: “Атрымалася такая ўтульная, цікавая, займальная й пазнавальная сустрэча. Хочацца адзначыць, што Мова Нанова ў Таронта – гэта ня толькі вывучэньне мовы й культуры Беларусі, гэта таксама яднаньне, наладжваньне сувязяў (networking) сярод беларусаў Таронта. Для дзетак у нас былі арганізаваныя столікі з алоўкамі, маляванкамі й самаробкамі, каб бацькі, якім няма з кім пакінуць дзетак, таксама мелі магчымасьць паўдзельнічаць у нашых занятках. Мы шчыра запрашаем усіх зацікаўленых беларусаў на нашыя наступныя сустрэчы. Заняткі будуць адбывацца раз на месяц у будынку Беларускага Грамадзка-рэлігійнага Цэнтру Таронта 524 St.Clarens Ave. Toronto M6H 3W7 Canada.

Расклад наступных заняткаў Мова Нанова ў Таронта на 2015-2016

  • 12 сьнежня 2015 Тэма: Каляды
  • 24 студзеня 2016 Тэма: Беларускія стравы
  • 28 лютага 2016 Тэма: Масьленіца
  • 12 сакавіка 2016 Тэма: Вясна
  • 16 красавіка 2016 Тэма: Вялікдзень
  • 7 траўня 2016 Выпускны
Advertisements
  1. Яшчэ няма каментарыяў.
  1. No trackbacks yet.

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Змяніць )

Twitter picture

You are commenting using your Twitter account. Log Out / Змяніць )

Facebook photo

You are commenting using your Facebook account. Log Out / Змяніць )

Google+ photo

You are commenting using your Google+ account. Log Out / Змяніць )

Connecting to %s

%d bloggers like this: