Галоўная старонка > Падзеі > Калядны настрой, або дзіцячая “Ялінка-2013” у Таронта

Калядны настрой, або дзіцячая “Ялінка-2013” у Таронта

DSC_2964

На Стары Новы год Галоўная ўправа Згуртаваньня беларусаў Канады і царква св. Кірылы Тураўскага зладзілі дзіцячую “Ялінку-2013”.

Наш карэспандэнт пагутарыла са старшынёй Згуртаваньня беларусаў Канады Валянцінай Шаўчэнка і даведалася пра падрабязнасьці падрыхтоўкі да сьвята і пляны на наступную “Ялінку”.

–          Праграма “Ялінкі” была цікавая і своеасаблівая. Было відаць, што дзеткам і бацькам спадабалася.  

–          Так, праграма “Ялінкі”, як заўсёды, была насычанай. Тэатралізаваная інтэрактыўная казка “Рэпка”, пастаноўка песьні “Раз марознаю зімой”, карагоды вакол ялінкі, аркестар Дзеда Мароза і сапраўдныя каляднікі зь песьнямі і гульнямі  не далі засумаваць ні бацькам, ні дзеткам. А ахвотнікаў распавесьці верш, прасьпяваць ці станчыць і атрымаць падарунак ад  Дзеда Мароза было столькі, што ім прыйшлося займаць чаргу.  Згуртаваньне беларусаў Канады і царква сьв. Кірылы Тураўскага ў Таронта штогод ладзяць “Ялінку” для самых маленькіх нашых сяброў, і я вельмі ўсьцешаная тым, што заўсёды зьбіраецца шмат ахвотных падараваць дзеткам сьвята. Хачу сказаць гэтым людзям вялікі дзякуй за дапамогу ў падрыхтоўцы да “Ялінкі”, за тую сьвяточную атмасфэру і цеплыню. Наогул, у гэтым годзе ў нас атрымаўся проста шыкоўны ранішнік.

–          Сёлета і падарункі ў вас незвычайныя. Самаробныя. І выстава цудоўная.

Так склалася, што падарункі на ялінку штогод рыхтуе царква сьв. Кірылы Тураўскага. А ў гэтым годзе бацькі вырашылі далучыцца і зрабіць частку падарункаў сваімі рукамі, бо дзяцей у Канадзе цяжка зьдзівіць падарункамі, калі гэта не сапраўдны кабрыялет ці кампутар “Apple”. І вось доўгімі зімовымі вечарамі ў клюбе майстроў і майстрых, нядаўна створаным на базе ЗБК, бацькі займаліся вырабам цацак для ялінкі. Да гэтай справы далучыліся ня толькі мамы, але і таты (аўт.- сьмяецца). Наш цацачны марафон пачаўся загадзя, у кастрычніку, каб пасьпець да сьвята нашыць, навязаць конікаў, хамелеонаў, кажаноў, жырафаў ды іншых цікавых істот. І настолькі бацькі захапіліся гэтым заняткам, што ў выніку кожнае дзіця атрымала сваю непаўторную ёлачную цацку-абярэг зь беларускім старажытным імём, напрыклад, такім, як, Харытон, Агрыпіна, Пелагея, а яшчэ — паштоўку-фотаздымак да сваёй цацкі. Самае цікавае ў гэтай гісторыі, што ўжо ёсьць ідэі самаробных падарункаў і на наступны год.

Сёлета ўпершыню ЗБК зладзіла выставу дзіцячай творчасьці “Калядны настрой-2013”. Мы вельмі радыя, што дзеткі ўзялі актыўны ўдзел у нашай выставе, якая, напраўду, стварыла адпаведны ўтульна-калядны настрой у беларускім цэнтры. Замілоўвае тое, што можна пабачыць нават працы немаўлятак – дзяцей да году.

–          А чым адметная беларуская “Ялінка” ў Канадзе?

–          Найперш, тым, што яна праводзіцца цалкам па-беларуску, бо тут, у Канадзе, гэта вельмі важна. Рэч у тым, што некаторыя дзеткі, на жаль, беларускую мову чуюць хіба толькі тут, у нашым цэнтры, раз на год падчас ранішніка. Адна з мэтаў ЗБК – захаваньне беларускай традыцыі, у тым ліку і каляднай, таму на “Ялінку” абавязкова завітваюць каляднікі. Дзецям і дарослым вельмі падабаюцца гульні з казой, і яны ахвотна забаўляюцца з каляднікамі.

–          Валянціна, як кажуць, сьвята не паспела скончыцца, а ў вас ужо ёсць пляны на наступную “Ялінку”.  

–          Так, плянаў шмат заўсёды. Мы даўно ўжо марым пра батлейку – традыцыйны для Беларусі калядны лялечны тэатар. І дасьць Бог, ажыцьцявім нашую мару на наступны год. Таксама плянуем пашырыць наш рэпэртуар для самых маленькіх і ладзіць больш мерапрыемстваў для дзяцей. Такая запатрабаванасьць узьнікла, бо за апошнія гады ў сябраў ЗБК нарадзілася шмат дзетак, бацькі якіх жадаюць далучаць ужо змалку сваіх нашчадкаў да беларускага слова, да беларускай культуры.

Гутарыла Ганна Лябёдкіна

Здымкі Рамана Бершацкага (http://www.romandesign.ca)

Фотарэпартаж з “Ялінкі- 2013”:

DSC_2947

DSC_2965

DSC_2975

DSC_2914

Больш фотаў магчыма паглядзець тут

Advertisements
Categories: Падзеі
  1. Ales'
    2013/01/25 у 3:19 PM

    Найбольш уражаваюць дзеці, дзеля якіх усё й змайстравана. З якім замілаваньнем, непасрэднасьцю рэагуюць яны на такое хараство.

    Усе асобы, спрычыніўшыяся да распрацоўкі сцэнару Ялінкі, ягонае рэалізацыі заслугоўваюць пахвалы…

  1. No trackbacks yet.

Пакінуць адказ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Змяніць )

Google+ photo

You are commenting using your Google+ account. Log Out /  Змяніць )

Twitter picture

You are commenting using your Twitter account. Log Out /  Змяніць )

Facebook photo

You are commenting using your Facebook account. Log Out /  Змяніць )

w

Connecting to %s

%d bloggers like this: