Віншуем зь Днём Аднаўленьня Незалежнасьці!

25zn_1

Дарагія суродзічы,

25 жніўня 1991 году Дэклярацыя аб дзяржаўным сувэрэнітэце Беларусі атрымала статус канстытуцыйнага закону.

Невялікая група дэпутатаў Беларускага Народнага Фронту ў Вярхоўным Савеце дамаглася на той час амаль немагчымага – Беларусь ўсталявала верхавенства сваіх законаў на сваёй зямлі. Зьдзейсьнілася мара мільёнаў нашых суродзічаў як на Бацькаўшчыне, гэтак і за па-за яе межамі.

Важнасьць заканадаўчага акту 25-га жніўня цяжка пераацаніць. Ён паклаў аснову і пачаў працу па рэальнай рэалізацыі незалежнасьці нашай краіны. Ад гэтага дня беларусу ніхто ўжо не мог сказаць, як ён мае жыць.

Варта жалю, але цяперашняя антынародная ўлада ў Беларусі не вызнае гэты дзень. Вядуцца марныя пошукі “сваёй дзяржаўнай ідэі”. Гісторыя старанна хаваецца, яе стараюцца перакруціць і перайначыць, выцягваючы на сьвет старыя імпэрскія міты і прыхаваную рабскую ідэалёгію “малодшага брата”. Чужая дудка і тут грае ўсім даўно вядомы лейтматыў.

Нам аднак крытычна важна помніць лёсавызначальныя падзеі і даты нашай сапраўднай гісторыі, сьвяткаваць іх, дбаць аб іх пераемнасьці.

Прыйдзе пара, і сёньняшні жнівеньскі дзень будзе адзначацца як і належыць такому сьвяту па ўсёй Бацькаўшчыне. Будзе яго ведаць і сьвяткаваць кожны беларус.

Сьвяткуйма ж гэты дзень!
Памятайма і ганарымся сваім!

Са сьвятам!

Галоўная Управа Згуртаваньня Беларусаў Канады

Advertisements
Categories: Articles

33-я Сустрэча беларусаў Паўночнай Амэрыкі

1-2 верасьня
Нью Ёрк

abjava

Чытаць далей…

Categories: Абвесткі

Беларускае Купальле

7 – 8 Ліпеня, 2018
Гасьцявы Цэнтар “Слуцак”,

2 Fire Route 300, McKellar,
Parry Sound District, ON, P2A 2W7

Kupalle

Чытаць далей…

Categories: Абвесткі

Вандроўка да Беларускага Крыжа

16 чэрвеня, субота
11:30 раніцы
Прошча Пакутнікаў, Мідлянд, Антарыё

абвестка на крыж

Запрашаем на традыцыйную вандроўку да Беларускага Крыжа ў Прошчы Пакутнікаў што ля Мідлянду, Антарыё (на поўнач ад Barrie)!

11:30 – сустракаемся на паркоўцы Прошчы Пакутнікаў
12:00 – малебен і гісторыя крыжа
13:00 – пікнік-потлак, дзіцячыя гульні, агляд царквы, парку і краявідаў

Уваход у парк $5 з дарослага, дзеці да 12 год – бясплатна

Прапануем кожнай сям’і ўзяць з сабою ежу на потлак і крэслы да пікніку

Як даехаць:
http://martyrs-shrine.com/contact/

Глядзіце артыкул на нашым сайце пра адну з папярэдніх вандровак і наведваньне тамтэйшага музэю – поўнай рэканструкцыі найстаражытнейшага паселішча эўрапейцаў у Антарыё – драўлянага кляштару Sainte-Marie among the Hurons: Вандроўка да Беларускага Памятнага Крыжа ў Мідлэндзе.

 

Categories: Абвесткі

Запрашаем на прэзэнтацыю кіно!

2 чэрвеня, субота
6:30 вечара

poster June 2 2018

У суботу 2-га чэрвеня 2018 г. у Беларускім грамадзка-культурным цэнтры Таронта (524 St. Clarens Ave.) адбудзецца прэзэнтацыя музычнага фільму-казкі “То-то-то”. Гэты фільм зроблены сьпеўным гуртом “Яваровы людзі”, і ён будзе цікавы кожнаму, хто хоча больш даведацца пра беларускую культуру і народныя традыцыі. Прыходзьце самі і запрашайце сваіх знаёмых! Фільм “То-то-то” прадэманструе Вашым сябрам зь іншых нацыянальных суполак частку багатай фальклёрнай спадчыны Беларусі.

“То-то-то” – гэта кіно, якое будзе абсалютна зразумелае нават тым, хто ня ведае беларускай і/або іншых славянскіх моваў (гэта ўжо спраўджана практыкай!). У фільме ёсьць сцэны з дажынак (беларускага сьвята ўраджаю), фрагмэнты вясельнага абраду, а Купальле паказанае практычна ад пачатку да канца. Вашыя сябры і знаёмыя атрымаюць унікальную магчымасьць пабачыць жывыя беларускія абрады, што налічваюць ужо не адну сотню гадоў!

Уваход 10 даляраў, дзецям да 14 гадоў уваход вольны. У кошт уключана кава і прысмакі, а таксама праграмкі на трох мовах з кароткім зьместам фільму і апісаньнем беларускіх абрадаў.

Пачатак імпрэзы а 18:30.

Чакаем вас на прэзэнтацыі фільму!

Categories: Абвесткі

Беларуская нізанка: другая майстар-кляса

27 траўня, нядзеля
12:30 па поўдні

майстар-клас Нізанка 2.jpg

Згуртаваньне Беларусаў Канады
запрашае ўсе ўзросты й узроўні
на другую майстар-клясу па беларускай нізанцы!

Вядоўца: Ірына Варабей

Кошт: $15, дзеці да 14 год – 50% (матэрыялы ўключаныя)

Адрэса: 524 St.Clarens Ave., Toronto

Пытаньні й рэгістрацыя: 416-876-8603 Вера

Categories: Абвесткі

Дзіцячы фэст “Беларуская Вясна 2018”

5 траўня, субота
5:00 вечара

spring fest_w1024

Паважаныя сябры!

Запрашаем на наш штогадовы дзіцячы фэст
“Беларуская Вясна ў Таронта 2018”

Калі ласка, запрашайце сяброў і знаёмых!
Будзем рады ўсіх пабачыць пасьля доўгай зімы!

Чытаць далей…

Categories: Абвесткі